noukat maghribia

Aller en bas

noukat maghribia

Message  Adil le Sam 20 Fév - 4:26

مغربي و فرنساوي و مريكاني جاو يشوف شكون لعندهم الرشوة بزاف جا المركاني قالهم شي تمثال الحرية كان خصو يطلع بمليار دولار انا طلعتو غير بنص مليار و ضربت نص مليار و لكن رشيت هنا و دورت من هنا و حللقت هنا جا الفرنساوي قالهم شي برج ايفل كان خصو يطلع بجوج المليار أورو انا طلعتو بمليار حتى انا رشيت و عطيت و حلقت جا المغربي قالهم شتو هديك القنطرة للهيه لمبين هاد الجبل و داك الجبل قالوا ليه لا ما شفنا والو قالهم راح تم كانت خاصه تكون و لكن ها فلوسها ضربتهم في جيبي
----------------------------------------------------------------------------------
واحد البنت قالت لباها راه واحد ولد الناس بغى يخطبني وما فيه حتى عيب. قال ليها باها واخا، قولي ليه يجي نشوفو
جا الخطيب وجلس مع بات البنت وهو كيمضغ المسكة وهو يقول ليه الراجل: مرحبا بيك أولدي. ولكن واش ما جاتش ف شكل تمضغ المسكة ونتا جاي تخطب؟
قال ليه الشاب: ولكن أ عمي، المسكة ضرورية من بعد ما يكمي الواحد كارو
قال ليه الراجل: هي كتكمي؟
قال ليه الشاب: شوية وصافي، مع شي كويس ديال الشراب
قال ليه الراجل: وزايدها كتسكر؟
قال ليه الشاب: مرة مرة، ملي كنقمر
قال ليه الراجل: وفين كتلعب القمار؟
قال ليه الشاب: ف واحد الكاباري
قال ليه الراجل: ومن إمتى ونتا كتمشي للكاباريهات؟
قال ليه الشاب: من نهار خرجت من الحبس
قال ليه الراجل: وعلاش دخلتي الحبس؟
قال ليه الشاب: حيت ضربت واحد الراجل بالموس وقتلتو
قال ليه الراجل: وعلاش قتلتيه؟
قال ليه الشاب: حيت ما بغاش يجوجني بنتو
قال ليه الراجل: على بركة الله، نجيبو العدول دابا
----------------------------------------------------------------------------------
هادا واحد التلميد قال ليه المعلم: عطيني خمسة ديال الحيوانات
قال ليه التلميد: بقرة و كلب و تلاتة ديال الحمامات
----------------------------------------------------------------------------------
واحد المعلم عزيزعليه يسلخ الدراري. شد واحد الولد وسولو: باش تغديتي اليوم؟
جاوبو: بالمرقة. هز المعلم العصا وبدا يضرب فيه: ها البطاطا، ها خيزو، ها اللفت، ها اللحم، ها البصلة... حتى شبعو عصا
داز على التلاميد كلهم حتى وصل عند واحد العايق سولو: باش تغديتي؟
هو يقول ليه: بمسكة
وقف المعلم شوية يفكر، وهز العصا حتى السما هو يعطيه: ها الكاغيط الفوقاني، ها الكاغيط التحتاني، ها مضغ مضغ مضغ مضغ
----------------------------------------------------------------------------------
واحد مبوق صرفقو صاحبو وهو يقول له: واش بصاح أولا كتفلا؟
قال ليه صاحبو: لا بصاح
قال لي المبوق: مزيان... حيت أنا ما كنحملش التفليات
----------------------------------------------------------------------------------
واحد عصبي قال لمرتو: غادي نعاود ليك واحد الحاجة غريبة بزاف وقعات ليا اليوم
هاد الحاجة غريبة لدرجة أنك ما غاديش تيقيني وغادي تقولي عليا كداب
ولكن أنا راه ماشي كداب، ونتي اللي كدابة، وطاسيلتك كلها اللي كدابة يا قليلة الترابي
وسيري راكي طالق كاع
---------------------------------------------------------------------------------
واحد الراجل قال لمرتو: وجدي راسك اليوم غادي نتعشاو برا
ملي رجع للدار ف العشية، لقاها حطات الميدة ف الزنقة
--------------------------------------------------------------------------------
هدا واحد الدري قال لصاحبو: علمني كيفاش نتصاحب
قال ليه صاحبو: ساهلة. هز حجرة صغيرة وضربها بيها. وإيلا دارت عندك قول ليها ما نتصاحبوش أ الزين
الغد ليه هز الدري حجرة قدها قد آش وضرب بيها بنت وهي تفلق وتسخف. تجمعوا عليها عباد الله، و هو يجي خينا يجري: أحيدوا راه أنا اللي صيدتها
---------------------------------------------------------------------------------
واحد مبوق طاح من فوق العمارة وتجمعات عليه الجوقة
سولوه الناس: أشنو وقع؟
قال ليهم: ما عرفتش، أنا يالله جيت
---------------------------------------------------------------------------------
واحد البنت سولات الاستادة ديال العلوم الطبيعية.. واش للي عندها 20 عام يمكن تولد.. قالت ليها. ايه.. قالت ليها وللي عندها 15عام.. قالت ليها صعيييب... نقز واحد الدري من وراها قال ليها.. ياك قلت لك متخافيش
--------------------------------------------------------------------------------
دري بغا يمشي من طنجة عايم حيت غير 14 كلم... ضرب 7 كلم...عيا هوا يرجع
-------------------------------------------------------------------------------
استاد بغا يدير فرض لدراري على غفلة..قال ليهم عندكم غدا فرض على غفلة
------------------------------------------------------------------------------
واحد معكازبزااف ... قال لصاحبو : دبرت على خدمة. قال له مبروك فين ؟؟ قالو فمطبعه...كانكلس فوق الوراق باش مايطيروش
-----------------------------------------------------------------------------

@dilovic Very Happy
avatar
Adil
Admin

Messages : 481
Euros € : 1426
Réputation : 0
Date d'inscription : 27/12/2009
Age : 35

Voir le profil de l'utilisateur http://adilovic.forum-pro.fr

Revenir en haut Aller en bas

Revenir en haut

- Sujets similaires

 
Permission de ce forum:
Vous ne pouvez pas répondre aux sujets dans ce forum